recent
عناوين الأخبار

ملخص هاشتاج #القبض_على_مجرمين_التليجرام

HayeilTV
الصفحة الرئيسية

 في الساعات اللي فاتت، كان هاشتاج #القبض_على_مجرمين_التيليجرام تريند في مصر على تويتر.. إيه حكاية الهاشتاج ده؟

حسب صفحة Speak Up، في مجموعة من المبتزين والمتطرفين فكريا عاملين قناة على تطبيق تيليجرام بيقوموا من خلالها بنشر بيانات شخصية لعدد من الشباب والبنات، وواضح إن القناة كانت موجودة من بدري بس صفحة Speak Up محبوش يتكلموا عنهم عشان ميعملوش دعاية غير مقصودة للقناة ولكن كلامهم بدأ عن القناة بعد ما فريق اسمه Anubis قدر يخترق القناة ويمسح كل بيانات الناس اللي تم تسريبها.

طيب إيه الهدف من القناة دي؟

صفحة “وعي مصر” على فيسبوك نشرت تسريب لواحد من المسؤولين عن القناة دي على تيليجرام وقالت إن القناة قائم عليها مجموعة من المتطرفين فكريا، وكان محتوى القناة عبارة عن تشهير ببنات وشباب وسب وقذف وإهانات لكل شخص مختلف فكريا معاهم!

فريق “Anubis” قدر يوصل لكل بيانات الأدمنز القائمين على القناة من ضمنهم شخص اسمه “عمار بن زايد” وشخص تاني اسمه “محمد الجزار” ونشروا بياناتهم في قناة تيليجرام بعد اختراقها وتغيير اسمها.

ونشروا صور وفيديوهات لمحمد الجزار بأسلحة مختلفة وبيهدد الناس بالقتل.

فا الموضوع موقفش عن نشر بيانات لمجموعة من الناس أو ابتزازهم، في تحريض مباشر بالقتل لكل شخص بيختلف معاهم.

الموضوع كان محل اهتمام الناس على كل السوشيال ميديا، زي الفنانة أروى جودة اللي شاركت الموضوع عبر حسابها على إنستجرام

حتى الآن محصلش أي تحرك رسمي من الأجهزة المعنية ولكن لو حصل أي تطور هنحدث بالموضوع بأي تفاصيل جديدة.

google-playkhamsatmostaqltradent