recent
عناوين الأخبار

تجربتي.. يوم في مجمع المرور - مهم جدا ليك

HayeilTV
الصفحة الرئيسية

 يوم في مجمع مرور القاهرة الجديدة 

أولا حابب أشكر كل من قدم لي النصيحة وحاول يساعدني

علشان كده هنقل لكم تجربتي..  



اولا وأنت في طريقك للمرور تشتري حافظة كارتون 5ج وتصور الرخصة والبطاقة صورتين وده تلاقيه  بجوار الكنيسة اول سوق القطامية من كشك هنزل صورته علشان ما تلفش كتير..  الحافظة دي في المرور ب 150ج وهتعطلك

بداية من الدخول لمنطقة فحص السيارة 

1- شراء ورق الفحص 45ج والاتجاه لفحص السيارة ورفع بصمة الماتور والشاسية 

2 - شراء الطفاية وثمنها 420ج لو الطفاية القديمة مر عليها خمس سنوات 

3- شراء مستلزمات المرور 570ج إجباري

4- فحص أمان 190ج إجباري 

المرحلة الثانية..  

داخل مجمع المرور 

1-شهادة براءة الذمة من المخالفات بتبدأ الساعة 9 مش قبل كده وسهلة ما تخافوش سهلوا الموضوع ده جدا عملوا اكتر من شباك فالأمور بتمشي بسرعة..  في الدور الأرضي لنيابات القاهرة الجديدة

ومدينة نصر ومصر الجدة والدور الأول لنيابات المعادي 

2- استعلام امني بالبطاقة والرخصة 

3-شراء ورق نقل المرور لو كنت مرور معين غير المرور التابع لمحل إقامتك المثبت بالبطاقة الشخصىة وده في الدور الأرضي ب 32ج

4- سحب رقم لشباك تخليص الإجراءات النهائية من كاونتر الإستعلامات 

5- دفع التأمين الإجباري 270ج كاش والضريبة الإجبارية 2080 فيزا.  علما بأن سيارتي 1100cc موديل 2010 قد يزيد التأمين والضريبة حسب ال، cc والموديل والتجديد كان لثلاث سنوات 

6- الرجوع للشباك وتقديم ما يثبت دفع التأمين والضريبة 

7- الإنتظار  لتسلم الرخصة. 

ملاحظات هامة 

1- لو رخصتك مرور مثلا الشروق وأنت بطاقتك القاهرة الجديدة 

ما فيش اي  مشكلة كل حاجة هتخلصها من مجمع مرور التجمع الخامس ومش هتحتاج تروح الشروق 

2- في حالة انتهاء الرخصة والشهر المهلة  لابد من استخراج شهادة بيانات من المرور المثبت علي الرخصة.. 

3- لو البطاقة الشخصية منتهية ولسة هتجددها ممكن تاخد استثناء من رئيس وحدة المرور بس الأفضل ما تعرضش نفسك لده

4- ما تنسوش بطاقة التطعيم ضد كورونا علشان مش هتدخل مبني المرور الا بها

في النهاية.. 

 التجربة مرضية 

فقد لمست كثير من التطور وتسهيل الإجراءات 

ولكن المبالغ اللي بتدفع مبالغ فيها جدا.. 

تحية للرائد هشام رئيس وحدة مرور القاهرة الجديدة لتسهيل الإجراءات للجميع وتواجده في كل مكان داخل مبني المرور وخارجه للتسهيل علي المواطنين.. 

موظفة الشباك مدام عزة.  كانت نموذج حسن للتعامل مع المواطن  متعاونة جدا ووجهها بشوش وسهلت كل الإجراءات بدون اي مقابل

By:mohamed mostafa

google-playkhamsatmostaqltradent