التحقيقات كشفت اللي حصل بالضبط في واقعة التحرش بفتاة النايل سيتي
القصة دي حقيقية.. وتحقيقات رسمية بتتكلم عنها مفيهاش مبالغة ولا تهويل.. بس فيها وجع حقيقي اقرأ للنهاية قبل ما تحكم أو تشارك
بحسب التحقيقات، بنت مصرية كانت في شغلها داخل نيل تورز، ونزلت دقيقة تجيب حاجة من عربيتها…لكن اللي حصل بعدها مكانش متوقع ولا سهل
.
في تطور جديد في قضية التعدي على فتاة مصرية
من قبل شابين يحملان جنسية إحدى الدول العربية، بمحيط النايل سيتي بالقاهرة، كشفت التحقيقات تفاصيل جديدة حول ملابسات الواقعة.
للعودة اكتب فى جوجل: موقع م الاخر
━━━━━━━━━━━━━━━━━━━━
التحقيقات في واقعة التعدي على فتاة في محيط النايل سيتي
━━━━━━━━━━━━━━━━━━━━
وجاءت أقوال المجني عليها، كما وردت في محضر التحقيقات كالتالي:
س: ما تفصيلات ما حدث؟
ج:
اللي حصل إن امبارح يوم 2025/11/9 حوالي الساعة 12:00م، كنت في شغلي في نيل تورز، ونزلت أجيب حاجة من عربيتي تحت، وأنا راجعة للشغل فوجئت بشخصين ظهروا أمامي:
الأول
لابس تيشيرت أسود
وهو أسمر البشرة
حاول يوقفني عدة مرات
ومد إيده وقام بلمس ذراعي الأيسر
وحاول يلمس خصري
فقمت بالابتعاد عنه عدة مرات علشان ما يقومش بلمسي مرة تانية من مناطق أكثر حساسية.
الثاني
لابس تيشيرت لبني
وشورت أبيض
كان بيضحك
وبيحاول يفتح معايا كلام
ويتلفظوا بألفاظ مش محترمة
وكل ده بلغة مش مصرية بس هي عربية تقريبا كويتي،
بس أنا مقدرش أقولها علشان أنا مش بعرف أتكلم لغتهم،
بس معناها معاكسة ومضايقة وإنه عايز يدفعلي فلوس علشان يعمل معايا حاجة وحشة وأنا مكسوفة أقولها.
━━━━━━━━━━━━━━━━━━━━
حالة سُكر
━━━━━━━━━━━━━━━━━━━━
وأضافت:
أنا لم أفهم الألفاظ دي علشان هما مش مصريين، ولكونهم متعاطين لمواد كحولية، وحاولت أهرب منهم لحد ما مشيوا بعيد عني، وأنا جريت عكس اتجاههم، وحاولت استنجد بالناس في الشارع بس محدش ساعدني.
وبعد كده جه شاب صغير قالي هما مشيوا كده روحي وراهم بالعربية، روحت جبت العربية ودورت عليهم ملقتهمش.
━━━━━━━━━━━━━━━━━━━━
الكاميرات ومحاولة الوصول للمتهمين
━━━━━━━━━━━━━━━━━━━━
وبعد كده رجعت لنيل تورز وقابلت مفتش أمن علشان آخد الكاميرات ويساعدني أوصلهم، وقابلت فرد أمن تاني وقولتله اللي حصل، قالي لازم محضر علشان أقدر أديكي مقطع الفيديو.
وتابعت:
بعد كده عرفت إن المسؤول عن الكاميرات موجود في البرج الشمالي الدور 15، فروحت له وطلبت مقطع الفيديو، إدوني الفيديو بس من غير أسماء، وهو قالي إن واحد فيهم ضابط كويتي.
وبعد كده واحدة صاحبتي عرفت الموضوع فنزلت الواقعة على الفيسبوك
، وبعدها كلمت صاحبتي تساعدني علشان أروح القسم، وروحت القسم النهارده وعملت المحضر باللي حصل بالضبط، بس أنا معرفش أساميهم.
━━━━━━━━━━━━━━━━━━━━
تفاصيل الزمان والمكان
━━━━━━━━━━━━━━━━━━━━
س: متى وأين حدث ذلك؟
ج:
الكلام ده حصل إمبارح 2025/11/6 حوالي الساعة 12:00 تحت النيل تورز في بولاق.
س: وما سبب تواجدك بالزمان والمكان سالفي الذكر؟
ج:
أنا كنت في الشغل ونزلت أجيب حاجة من العربية.
س: من كان برفقتك آنذاك؟
ج:
كنت لوحدي.
━━━━━━━━━━━━━━━━━━━━
تفاصيل الواقعة كما روتها المجني عليها
━━━━━━━━━━━━━━━━━━━━
س: وما الذي أتاه المتهمان حال رؤيتك؟
ج:
شوفت الاتنين جايين عليا، وأول واحد لابس تيشيرت أسود حاول يقف قدامي عدة مرات ومد إيده ولمس ذراعي الشمال، والتاني اللي لابس تيشيرت لبني وشورت أبيض كان ماشي جنبه بيضحك وبيقول كلام مش مفهوم.
س: صفي لنا بقدر من التفصيل الحالة التي كان عليها المتهمان أثناء ارتكاب الواقعة؟
ج:
هما أكيد كانوا سكرانين.
س: وكيف وقفتِ على ذلك؟
ج:
من شكلهم وريحة بوقهم.
س: وما هو دور كل واحد من المتهمين على وجه التحديد؟
ج:
الأول اللي لابس أسود في أحمر وأسمر البشرة هو اللي حاول يلمسني ولمسني من دراعي، وكان بيتلفظ بألفاظ أنا مش فاهماها علشان مش لغة مصرية، ومعناها إنه عايز يدفعلي فلوس علشان يعمل معايا حاجة وحشة وأنا مكسوفة أقولها،
والتاني اللي لابس تيشيرت لبني وشورت أبيض ملمسنيش بس تلفظ بألفاظ معناها معاكسة ومضايقة.
س: وهل دار حوار فيما بينك وبين المتهمين؟
ج:
كانوا بيحاولوا يكلّموني ويقولولي كلام أنا مش فاهماه قوي ويضحكوا ويحاولوا يفتحوا كلام، ويتلفظوا بألفاظ غير محترمة بلغتهم، وكل ده بلغة مش مصرية عربية تقريبا خليجي، والألفاظ دي معناها معاكسة ومضايقة، والأول اللي لابس أسود كان عايز يدفعلي فلوس علشان يعمل معايا حاجة وحشة وأنا مكسوفة أقولها.
س: وما هي الألفاظ على وجه التحديد؟
ج:
مفيش لفظ معين أقدر أقوله علشان أنا مش بعرف أتكلم لغتهم، بس الألفاظ دي بتوحي بمعاكسة ومضايقة، والأول اللي لابس أسود عايز يدفعلي فلوس علشان يعمل معايا حاجة وحشة وأنا مكسوفة أقولها.
س: ما هي الأفعال التي أتاها المتهمان تحديدًا؟
ج:
المتهم الأول اللي لابس تيشيرت أسود لمس ذراعي الشمال وحاول يلمس خصري، والمتهم التاني اللي لابس تيشيرت لبني قام بالمعاكسة والمضايقة بس ملمسنيش.
س: وماذا عن رد فعلك تجاه ما تعرضتِ له؟
ج:
أنا صرخت وقعدت أشتمهم، فهما الاتنين مشيوا لقدام واختفيا.
━━━━━━━━━━━━━━━━━━━━
موعد محاكمة المتهميّن
━━━━━━━━━━━━━━━━━━━━
تنظر المحكمة المختصة، يوم 14 يناير الجاري، أولى جلسات محاكمة المتهميّن في واقعة التعرض لفتاة بشكل غير لائق بمحيط منطقة “النايل سيتي”، بدائرة بولاق أبو العلا.
━━━━━━━━━━━━━━━━━━━━
تفاصيل الواقعة داخل المحكمة
━━━━━━━━━━━━━━━━━━━━
شهدت واقعة التعدي على فتاة بمحيط “النايل سيتي” في منطقة بولاق أبو العلا بالقاهرة، تطورًا جديدًا داخل المحكمة، بعد حضور محامٍ موفد من سفارة الدولة الخليجية التي يتبعها المتهم الأول لمتابعة سير الجلسات والدفاع عن المتهمين.
ووفقًا لمصادر مطلعة، حاول دفاع المتهميّن التفاوض مع المجني عليها لإنهاء القضية بشكل ودي، إلا أنها رفضت تمامًا، مؤكدة:
“مش هتصالح ولا هتنازل”.
━━━━━━━━━━━━━━━━━━━━
أقوال المتهم الأول
━━━━━━━━━━━━━━━━━━━━
وكشف المتهم الأول في واقعة التعدي على فتاة في محيط “النايل سيتي”، مفاجآت خلال التحقيقات، مؤكدًا أنه لم يكن على علاقة قوية بالمتهم الثاني.
وقال الشاب الذي يحمل جنسية إحدى دول الخليج:
“مكنتش سهران معاه ومعرفتنا ببعض سطحية جدًا، وهو مش ظابط ولا حاجة، دا مواطن يحمل جنسية دولة خليجية نازل مصر سياحة، قابلته قصاد الفندق ومشينا”.
وأضاف:
“هو كان في حالة سُكر ومش في وعيه، وبدأ يتهجّم على البنت وهو بيضحك ويهزر، وخدنا بعضنا ومشينا، ومكنتش أعرف إن الموضوع هيكبر كدا”.
━━━━━━━━━━━━━━━━━━━━
القبض على المتهميّن وتحريات المباحث
━━━━━━━━━━━━━━━━━━━━
في وقت سابق، ألقت أجهزة الأمن بوزارة الداخلية القبض على المتهم الثاني في واقعة التعرض للفتاة بشكل غير لائق بمحيط “النايل سيتي” ببولاق أبو العلا.
وكشفت التحريات أن المتهميّن يحملان جنسية إحدى الدول الخليجية، وقد دخلا البلاد بتاريخ 5 نوفمبر الجاري قادمين من بلادهما بغرض السياحة
.
وأوضحت التحريات الأولية أن المجني عليها اتهمت شخصين:
الأول يدعى “حمد.س”، وكان يعمل سابقًا بإحدى السلطات بدولته وتم فصله.
أما الثاني فيدعى “نايف.م” ويبلغ من العمر 28 عامًا، ويعمل بإحدى السلطات، وتم القبض عليه وهو المتهم الثاني بالقضية.
.
رأيك يفرق
هل اللي حصل ده يعدي؟
ولا لازم يبقى عبرة؟
اكتب رأيك في كومنت
شير عشان القصة توصل
دعمك صوت للحق
.
#النايل_سيتي
#تحرش
#حق_البنت
#لا_للسكوت
#فتاة_النايل_سيتي
#قضية_رأي_عام
#العدالة
#احمي_بناتك
شاهد أحدث المسلسلات والأفلام- من هنا
